Ohiko Galderak

1. Zer da Forvo?

Forvo online dagoen ahoskera-hiztegi bat da. Munduan dauden hitz guztien ahoskatzea pilatu nahi dugu, izenak barne. Gaur egun ahoskatze kopuru handien duen webgunea da.

2. Zer ez da Forvo?

Forvo ez dago pentsatuta audio fitxategi handientzako. Grabaketek 2.5 segundutako muga daukate, nahikoa edozein hitz ahoskatzeko.

3. Zer esan nahi du "munduko hitz guztiak"?

Hitz gehienak onatzen dira, hitz itsusiak barne. Gure ustez gaizki dagoena ez dira hitzak berez, baizik eta esateko era edo erabileraren testuingurua, horregatik batzuk ezabatzen ditugu. Edozein modutan, hitzak 40 karakteretara mugatuta daude. Onomatopeiak, deiadarrak edo ohiuak ez dira onartzen.

Irainak edo hitz itsusiak puntu batetaraino onatzen dira, beti ere hiztegi batean azaltzen badira, eta haien ahoskera era ez iraingarri batean esaten bada. Ez gehitu zuk sortutako hitzak edo mordoilokeriak, ezabatuak izango baitira.

Forvo ez dago esaldietarako pentsatua, baina motzak badira, izenburuak badira edo esaera zaharrak badira, onartzen dira. Adibidez "El Señor de los anillos", ez da "yo tengo dos anillos"-en berdina. Lehenengoa onartzen da, bigarrena ez.

Informazio gehiago hitzak gehitzeari buruz.

4. Hitz batekin arazo bat dago, zer egin dezaket?

Hitzen bat ez bada existitzen edo iraingarria bada, hitz horren orrialdetik bertatik abisua bidal diezagukezu. Mesedez, zehatza izan arazoa azaltzerakoan eta konpontzen saiatuko gara.

5. ahoskera batekin arazo bat dago,zer egin dezaket?

ikusi 4. puntua.

6. Nire hitz edo ahoskera bat desagertu da, zergatik?

Forvok kalitatezko webgunea izan nahi du. Editore bolondres talde batekin batera lan egiten dugu, eta haiek erabiltzaileok sartzen dituzuen edukiak berrikusten dituzte. Batzuetan, ezjakintasunagatik, hitz oker bat sartzen da, edo Forvoren baldintzak betetzen ez dituena. Horrela bada, Forvok edozein eduki ezabatzeko eskubidea erabiltzen du.

7.Nire herrialdean "hitz hori" desberdin ahoskatzen da

Argi daukagu hitz batek azentu desberdinak dituela herrialdearen edo eskualdearen arabera hizkuntza berdinaren barnean. Beraz, zergatik ez duzu ahoskatzen zure azentuarekin? Forvok azentu anitzak ahalbidetzen ditu hitz berdinarentzat. Horrela, hizkuntza bat ikasten ari diren erabiltzaileek toki desberdinetan nola ahoskatzen den entzun ahal izango dute.

8. Zer gertatzen da hitz batek ahoskera bat baino gehiago posible baditu?

Gomendatzen dugun soluzioa honakoxea da. Gehitu hitza eta eman ezazu azalpen bat parentesi artean. Adibidez: live (noun) o live (verb). Horrela, ahoskatzerakoan parentesi artean dagoenari ez diozu kasurik egingo eta hitza soilik ahoskatuko duzu.

9. Zeinek gehitu ditzake hitzak eta ahoskerak grabatu Forvon?

Harpidedun erabiltzaileek bakarrik gehitu ditzakete hitzak.

10. Ba al dago grabaketetarako gidarik?

Bai. Hemen irakur dezakezu.

11. Zergatik ezin ditut nere ahoskeren MP3 fitxategiak igo?

Ahoskeren kalitatea hobeagoa izango litzatekeen arren, lege kontuak direla eta ez dugu zerbitzu hori eskeintzen. Ez genuke jakiterik izango MP3 fitxategiaren legezko jabea zein den. Adibidez, erabiltzaile batzuk hizkuntza ikastaro bateko ahoskatzeak erabili ahalko lituzkete baimenik gabe.

12. Zergatik ez duzue gehitzen "hizkuntza hau"?

Edozein hizkuntza gehitzeko prest gaude, baina ez gehiago izatearren, baizik eta Forvoren kalitatea hobetzeko. Eskatzen diguzun hizkuntza zure ama-hizkuntza bada edo oso iaioa bazara hizkuntza horretan zalantzarik gabe gehituko dugu. Halere, hizkuntz ofiziala izatea behar du, ISO kode batekin. Begiratu lista honetan zurea kontsultatzeko.

Halere, mesedez ziurtatu Forvok baduela hizkuntz hori.